أنا ما عنديش عداد RPM فى العربية , إزاى أعرف إمتى أنقل من سرعة للتانية يعنى من الأول للتانى و من التانى للتالت و .....
عرض للطباعة
أنا ما عنديش عداد RPM فى العربية , إزاى أعرف إمتى أنقل من سرعة للتانية يعنى من الأول للتانى و من التانى للتالت و .....
25
50
75
100
MMamdouh
25 , 50 , 75 , 100 دى ما تعتبرش زيادة شوية,بمعنى ناس كتير تقول النقلات تب4قى على 20 و 40 و 60 و 80 ..... أيهما أصح.
وهل فيه طريقة أعرف بيها توقيت النقلة بدون ما أشوف عداد السرعة ( يعنى الإحساس بسحب العربية أو صوت الموتور بدون ما أكون بحرق على الموتور؟
وشكرا للأستاذ ممدوح
لا مش كتير لان السرعات القصوى للنقلات
48
80
120
150
:mrgreen: :mrgreen: :mrgreen:
بعد فترة من استعمال العربية حتتعود على النقل بالسمع... انا بعد ما اتعودت و ركبت بعدها ال RPM لقيت انى بنقل على 4000 RPM دايما فا متقلقش... بكرة تتعود على توقيت النقلات
MMamdouh
[siمعنى كده إن السرعات اللى حضرتك كاتبها دى تناظر RPM فوق ال 6000
طيب إيه هو معدل ال RPM المناسب لعملية النقل؟ هل هو من 2500 إلى 3500 وللا كام بالظبط؟ze=18][/size]
النقلات العالية اوى دى عند حوالى 6500 RPM
المعدل الاقتصادى للموتور هو انك دايما تكون بين 2000 و 3000 RPM فا لو حتعدى 3000 انقل نقلة اعلى و لو حتنزل عن 2000 انزل نقلة
MMamdouh
أعتقد واللة أعلم أن أفضل توقيت للنقل بالنسبة للسواقة الهادئة هو 20 - 40 - 60- 80 لأني باحس أن صوت الموتور بيبقي هادي جدا وفي نفس الوقت مش بيكركر علما بأن سيارتي الحالية أوتوماتيك وده معدل نقل الفتيس الاوتوماتيك . ولكني ركيب مانيوال قديم
بص حضرتك حسب متسمع صوت المتور لأن النقلات دية بتختلف من عربية لأخرى
فا انت تنقل عادى لا المتور يكون بيزعق ولا هادى اوى يعنى فى المعقول
و العادى فى ال rpm من 3000 الى 3500 دة الى انا شايفة
فعلآ النقلات تختلف من عربيه لعربيه
حسب قوه الموتور و حسب العزم
و توقيت النقلات على حسب ما انت متعود
بس اهم حاجه ماتنقلش الغيار قبل ميعاده علشان العربيه ماتصقفش معاك
شكرا للأخوة الأعزاء على الردود
الفكرة إنى بنقل على السرعات التالية زى ما نصحنى بعض الأخوة عند شراء العربية وهى
20-40-60-80 بس بحس إن العربية يدوب بتوصل للعزم والسحب المعقول عند نهاية النقلة, بمعنى إنى لما بنقل على التالت مثلا بحس إن العربية عزمها ضعيف فى بدايىة النقلة و لكن عند ما أوصل لحد 60 علشان أنقل على الرابع أحس إن عزم العربية بقى شديد و بتسحب وممكن تجيب أكتر على نفس الغيار, بس انا كنت قلقان أحسن لو عملت كده أكون بحرق على الغيارات .
فما رأيكم؟ العربية موديل السنة 12000 كم فقط
بص من الاخر انت مينفعش تحرق زيادة عن اللزوم لان الموتور حيفصل قبل ما يخش على المنطقة الحمراء فى الRPM
لو بصيت فى كتالوج العربية حتلاقى العزم الاقصى بيطلع على 3400 RPM تقريبا فالنقل على 3000 عمرة ما بيوصل الموتور لعزمة الاقصى و دايما حتحس ان العربية كلبة و مبتسحبش.. انا دايما بنقل على 4000 RPM
MMamdouh
بس يا أستاذ ممدوح دى حاجه مش كويسة خالص لما علشان تحس بعزم العربية وسحبها يرضيك تنقل على معدل RPM أعلى من اللى يريح الموتور ده عيب فى تصميم العربية . وللا رأيك إيه؟
مش عيب ولا حاجة... دى طبيعة اى عربية
مينفعش تحصل على الاداء القوى و التوفير فى الوقود مع بعض... يا دة يا دة
لو عايز اداء يبقى لازم تحرق على النقلات و حتحس بقوة و سحب الموتور فى الحالة دى بس انسى موضوع الاقتصاد فى الاستهلاك و الكلام دة لان استهلاك البنزين حيروح فى داهية... و على فكرة دة مش بيبوظ الموتور... هو بس حيستهلك فى فترة اقل من موتور مبيتقرصش علية لان ببساطة المواتير اللى بتفوت بدرى بتبقى ناتج عن سوء صيانة او سوء استخدام
لو عايز توفر بنزين يبقى خلليك بين 2000 و 3000 RPM و متفكرس تشد مع فزبا لان اى كبس معناة زيادة استهلاك بنزين... و طبعا لانك مبتستهلكش بنزين بالسواقة دى يبقى انت مبتحصلش على اى قدرة حصانية من الموتور... يادوبك اللى يمشيك و بس
دا مش عيب فى العربية او فى اى عربية... دى طبيعة العربيات كلها
MMamdouh
شكرا للتوضيح يا أستاذ ممدوح
يا جماعه احنا ممكن نمسك العصايه من النص ننقل علي 3500 rbm يبقي العربيه هتسحب معانا و في نفس الوقت وفرنا في البنزين علي قد ما قدرنا
لا توثر الزياده ف النقلات ع المتور لانك مش بتوصل للعلامة الحمرا يعني 3.5 كويس جدا هيوفر ف البنزين و هيديك عزم و لو مشغل التكيف يبقى 4 لان اللانوس 85 حصان و التكيف بياخد حوالي 9 حصان يعني لو ف طلعة كوبري و لا حاجة ال 85 حصان هتبقى 85 حمار:beatdeadhorse5:
لما تبقى مشغل التكييف و عايز تعدى حد او طالع كوبرى و محتاج كامل عزم الموتور دوس الدواسة للارض
ساعتها الكونترول حيعرف انك عايز اقصى عزم من المكنة و حيفصل كومبريسور التكييف من نفسة لحد ما تخف رجلع عن الدواسة تانى
MMamdouh
الكلام ده مضبوط 100% مع العلم أنني لم يسبق لي تجربته ، لكن الكلام ده قالهوي مدير ورشة الصيانة في التوكيل بتاع أبو رواش، و دي ميزة كويسة بس أعتق أنها هاتستخدم بنزين كتير و الموضوع سهل ، إطفي التكييف و بعد شوية إرجع شغله تاني.
كلام جميل ومفيد جدا
متابع بأهتمام
موضوع ممتاز
انا هبقى انقل على 3.5
معايا اوتوماتيك
وبنقل على 3 rbm
لما كان معايا لادا كنت بنقل عند 3500